ઘરવિહોણાને મકાન બાંધકામ માટે રહેણાંકના ૧૦૦ ચોરસ વારના મફત પ્લોટ આપવાની યોજના

ગ્રામ્ય વિસ્તારોમાં પ્લોટ, ઘર વિહોણા મકાન બાંધકામ માટે રહેણાકના ૧૦૦ ચો.વારના મફત પ્લોટ આપવાની યોજનામાંં ગુજરાતમાં    1/5/17 ના ઠરાવથી સ્થાપના દિને અમલમા મુકવામાંં આવેલ છે.

ગુજરાતમાં સૌનો સાથ સૌનો વિકાસની ભાવના અંતર્ગત લોકકલ્યાણકારી યોજના અમલમાં મુકવાના શુૂભ આશયથી રાજ્ય સરકાર દ્વારા  મફત પ્લોટ આપવાની નીતિમાં સુધારો કરીને ૧ લી મે-૨૦૧૭ના ગુજરાતના સ્થાપના દિન નિમિત્તે નવી નીતિ અમલમાં મૂકવામાં આવી છે. ગ્રામ્ય વિસ્તારમાં વસવાટ કરતાં પ્લોટ અથવા ઘર વિહોણા લાભાર્થીઓને વિના મૂલ્યે ૧૦૦ ચો.વારનો ઘરથાળનો પ્લોટ ઉપલબ્ધ કરાવવાની રાજ્ય સરકારની નેમ છે.

ગ્રામ્ય વિસ્તારમાં વસવાટ કરતાં પ્લોટ અથવા ઘર વિહોણા બીપીએલમાં નોંધાયેલ ખેત મજૂરો તેમજ ગ્રામ્ય કારીગરોને ૧૦૦ ચો.વારનો વિના મૂલ્યે પ્લોટ આપવાની યોજના અમલમાં હતી. આ યોજનાં અંતર્ગત રાજ્ય સરકાર ૦ થી ૧૬ અને ૧૭ થી ૨૦ ગુણાંકવાળા તમામ મળવાપાત્ર પ્લોટ વિહોણા લાભાર્થીઓને મફત પ્લોટ યોજના અંતર્ગત ૧૬,૯૭,૦૩૦ લાભાર્થીઓને યોજનાની શરૂઆતથી અત્યાર સુધીમાં મફત પ્લોટો ફાળવવામાં આવ્યા છે.

ઉલ્લેખનીય છે કે, આ યોજના અંતર્ગત કેટલીક જોગવાઈઓને કારણે ગ્રામ્ય વિસ્તારનાં પ્લોટ અથવા ઘર વિહોણા જરૂરીયાતમંદ લાભાર્થીઓને લાભ મળી શકતો ન હતો. જેમકે પ્રધાનમંત્રી આવાસ યોજનાના લાભાર્થી હોય પરંતુ પોતાનો માલિકીનો પ્લોટ ન હોવાને કારણે અથવા તો બીપીએલમાં યાદીમાં નામ ન હોવાના કારણે પ્લોટ ફાળવી શકાતો ન હતો જેને કારણે પ્રધાનમંત્રી આવાસ યોજનાનો લાભ મળી શક્તો નથી. પરિણામે ગ્રામ્ય વિસ્તારનાં પ્લોટ અથવા ઘર વિહોણા જરૂરીયાતમંદ લાભાર્થીઓ દ્વારા તેમની રજૂઆતો સરકારમાં મળતી હોવાનાં કારણે રાજ્ય સરકાર દ્વારા અમલી હાલની નીતિમાં સુધારા કરવાનું આવશ્યક જણાતા યોગ્ય સુધારાઓ કરી ગ્રામ્ય વિસ્તારના પાત્રતા ધરાવતા લોકોને સરળતાથી પ્લોટ ઉપલબ્ધ થઈ શકે તે માટે રાજ્ય સરકારે તા.૧-૫-૨૦૧૭ના ઠરાવથી નવી નીતિ અમલમાંં છેેે.

નવી નીતિ મુજબ કુટુંબની વ્યાખ્યામાં પુખ્તવયનો વ્યકિત, તેના પતિ-પત્ની (જો હોય તો), તેના સગીર બાળકોને પણ લાભ મળી શકશે. ગ્રામ વિસ્તારની વ્યાખ્યામાં વિસ્તાર વિકાસ સત્તા મંડળ/શહેરી વિકાસ સત્તા મંડળનાં વિસ્તારનો સમાવેશ કરવામાં આવેલ નથી જે અગાઉ કરવામાં આવેલ હતો. બીપીએલ યાદી હેઠળ નોંધાયેલ હોય તે જોગવાઈ રદ કરવામાં આવેલ છે. તેને બદલે એસઈસીસી હેઠળ પાત્રતા ધરાવતા અથવા રાજ્ય કે કેન્દ્રની હાઉસીંગ યોજના હેઠળ મકાન સહાય માટે લાયકાત ધરાવતા હોય. ગામમાં ઓછામાં ઓછા એક વર્ષથી વસવાટ કરતાં હોવા જોઈએ.

ખાસ કિસ્સામાં પાત્રતા ધરાવતા લાભાર્થીઓને અડચણરૂપ ન હોય તેવું દબાણ ૧૦૦ ચો.વારની મર્યાદામાં નિયમીત કરવાની જોગવાઈ કરવામાં આવી છે અને ખાનગી જમીન સંપાદન માટે ગ્રામપંચાયત દીઠ ૧૦ લાખની મર્યાદા હતી. આ મર્યાદા નાબુદ કરવામાં આવી છે. આ ઉપરાંત જમીન વિકાસ અંગે પ્લોટ દીઠ રૂા.૧૫૦નો વિકાસ ખર્ચ આપવામાં આવતો હતો તેના બદલે હવે જમીન વિકાસ અંગે પ્લોટ દીઠ રૂા.૧,૦૦૦નો વિકાસ ખર્ચ આપવામાં આવશે. એક સાથે જમીન સમથળ કરવા હેકટર દીઠ રૂા.૫૦ હજારની મર્યાદામાં રાજ્ય સરકાર સહાય આપશે. આ યોજના અંતર્ગત પ્રધાનમંત્રી આવાસ યોજનાનાં પાત્રતા ધરાવતા લાભાર્થી પરંતુ જેમની પાસે જમીન/પ્લોટ વિહોણા ૨૧,૫૭૪ લાભાર્થીઓને લાભ મળશે.

વધુ માહિતી માટે અહિ કિલીક કરો

Read More

પ્રધાનમંત્રી આવાસ યોજનાની યાદી । નવી પીએમએવાય (ગ્રામીણ + શહેરી) યાદી ૨૦૨૦

આપણે બધા જાણીએ છીએ કે પ્રધાનમંત્રી આવાસ યોજના હેઠળ ઘણા પરિવારોને આર્થિક સહાય અથવા મકાનો આપવામાં આવી રહ્યા છે. આ યોજના ગ્રામીણ અને શહેરી વિસ્તારો માટે ચલાવવામાં આવી છે. આ લેખમાં, આપણે જાણીશું કે, તમે પ્રધાનમંત્રી આવાસ યોજના ગ્રામીણ અને પ્રધાનમંત્રી આવાસ યોજના શહેરીના લાભાર્થીઓની સૂચિ કેવી રીતે ઓનલાઇન જોઈ શકો છો. આ જાણીતું છે કે પ્રધાનમંત્રી આવાસ યોજનાની યાદી , જેનો આ લેખમાં ઉલ્લેખ કરવામાં આવ્યો છે, તે ગ્રામીણ અને શહેરી બંને વિસ્તારો માટે છે.

જો તમે તમારી ગ્રામીણ આવાસ યોજના હેઠળ કોઈપણ લાભ માટે અરજી કરી છે, તો તમને તે જ લાભ મળશે જો તમારી અરજી સ્વીકારાઈ હોય. અને જો શહેરી વિસ્તાર માટેની અરજી સફળ માનવામાં આવશે ત્યારે જ તમારું નામ શહેરી આવાસ યોજના સૂચિમાં તમારું નામ છે. લાભાર્થીઓની સૂચિ તૈયાર કરવામાં આવી છે જેના માટે અરજીઓ સ્વીકૃત છે. ખુશીની વાત છે કે આવાસ યોજનાની સૂચિ થોડી ક્ષણોમાં ઓનલાઇન જોઈ શકાય છે.

પ્રધાનમંત્રી આવાસ યોજનાની યાદી (ગ્રામીણ, શહેરી)

મિત્રો, અમે તમને જણાવવા માંગીએ છીએ કે જે લોકોએ યોજના માટે અરજી કરી છે તે જ પ્રધાનમંત્રી આવાસ યોજનાની સૂચિમાં આવશે, પછી ભલે તે ગ્રામીણ વિસ્તારના હોય કે શહેરી વિસ્તારના હોય!

જો તમે હજી સુધી અરજી કરી નથી, તો જલ્દી કરો. ઘણી વખત એવું બન્યું છે કે મકાન બનાવવા માટે તમારી પાસે પૈસા નથી આ માટે સરકારે પ્રધાનમંત્રી આવાસ યોજના હેઠળ લોન મેળવવા માટેની યોજના શરૂ કરી છે, જે અંતર્ગત તમે પ્રધાનમંત્રી આવાસ યોજના હેઠળ હોમ લોન અને સબસિડી લઈ શકો છો અને લાભ મેળવી શકો છો.

મિત્રો, આપણે તમને જણાવી દઈએ કે આ સૂચિ જોવી ખૂબ જ સરળ છે જો તમે ઘરે બેઠા હોવ તો ઇન્ટરનેટ હોય તો અમે તમને કેટલાક પગલા જણાવીશું અને તે પગલાંને અનુસરીને તમે પ્રધાનમંત્રી આવાસ યોજનાની સૂચિ જોઈ શકશો.

ગ્રામીણ આવાસ યોજનાનું નામ જોવાની રીત:

ચાલો હવે સમજીએ કે સૂચિને ઓનલાઇન કેવી રીતે જોવી. રસ ધરાવતા વાચકોને વિનંતી છે કે આપેલી બધી માહિતી કાળજીપૂર્વક વાંચો.

• સૌ પ્રથમ, હાઉસિંગ યોજના ગ્રામીણના સત્તાવાર પોર્ટલ પર જાઓ (પોર્ટલ: https://rhreporting.nic.in/netiay/Benificiary.aspx)
• તમારો નોંધણી નંબર દાખલ કરો
• નોંધ: અરજી કર્યા પછી તમને આ નોંધણી નંબર મળશે.

શહેરી આવાસ યોજનાનું નામ જોવાની રીત:

• સૌ પ્રથમ, સત્તાવાર પોર્ટલ પર જાઓ (પોર્ટલ: https://pmaymis.gov.in/Open/Find_Beneficiary_Details.aspx)
• તમારો આધાર નંબર દાખલ કરો
• હવે  “શો” લિંક પર ક્લિક કરો

આ રીતે, તમે ખૂબ જ સરળતાથી પ્રધાનમંત્રી આવાસ યોજનાની યાદી । નવી પીએમએવાય (ગ્રામીણ + શહેરી) યાદી ૨૦૨૦ જોઈ શકશો.

Read More

મતદાર યાદીમાં તમારુ નામ છે કે નહીં? તમે જાતે જ આ લિંક પર ક્લિક કરીને ચેક કરીલો

રાજ્યની 26 લોકસભા બેઠક પર થોડા દિવસ બાદ ચૂંટણી યોજાવાની છે ત્યારે મતદાર યાદીમાં તમારું નામ છે કે નહીં તે ચેક કરી લેજો નહીંતર દશેરાના દિવસે જ ઘોડું ન દોડે તેવી સ્થિતિ સર્જાશે. ગુજરાતના મુખ્ય ચૂંટણી અધિકારીના સત્તાવાર રિપોર્ટ મુજબ, કુલ 6.7 લાખ મતદારોના યાદ મતદાર યાદીમાંથી ગુમ છે. ચૂંટણી રજિસ્ટ્રેશન ઓફિસર્સે કરેલી ચકાસણી મુજબ, ઘર બદલવું કે અન્ય કોઈ કારણોસર મતદારોના નામ યાદીમાંથી ગાયબ છે. મુખ્ય ચૂંટણી અધિકારીની ઓફિસમાંથી મળેલી રેકોર્ડની માહિતી મુજબ મોટાભાગે અમદાવાદ અને સુરત જિલ્લાના મતદારોના નામ યાદીમાંથી ભૂંસાયા છે.

આટલા મતદારોના નામ થયા રદ

2014માં 9.5 લાખ મતદારોના નામ યાદીમાંથી રદ થયા હતા જ્યારે 2019માં આ આંકડો 6.7 લાખની નજીક છે. અગાઉ 4 લાખ જેટલા નામ છેકી નાખવામાં આવ્યા હતા અને છેલ્લે કરેલા યાદીના પુનરાવર્તન વખતે 2.7 લાખ જેટલા નામ દૂર કરવામાં આવ્યા છે. જણાવેલા એડ્રેસ પર મતદાર ન હોય તો નામ રદ કરવાની સત્તા ERO (ઈલેક્ટોરલ રજિસ્ટ્રેશન ઓફિસર) પાસે છે. કોઈ વ્યક્તિનું મૃત્યુ થયું હોય કે બીજી જગ્યાએ સ્થળાંતર કર્યું હોય તેના બદલે અન્ય વ્યક્તિ યાદીમાંથી નામ દૂર કરાવી શકે છે.

વિવિધ કારણોસર નામ રદ થાય છે

ગુજરાતના મુખ્ય ચૂંટણી અધિકારી એસ મુરલી ક્રિષ્નાએ કહ્યું, “2019માં કુલ 10.72 લાખ મતદારો નવા ઉમેરાયા છે. વિવિધ કારણોસર 4 લાખ જેટલા મતદારોના નામ રદ કરવામાં આવ્યા છે. છેલ્લા રાઉન્ડ બાદ 6.7 લાખ જેટલા નામ રદ થયા છે. 2015 બાદ નામ રદ કરવા માટે સુઓ-મોટો કરવાનું બંધ કરી દીધું છે. જો કોઈએ ફોર્મ-7 ભર્યું હોય તો જ નામ રદ કરાય છે. ફોર્મ-7 કોઈ પણ ભરી શકે છે, તમારા પાડોશી પણ. નામ રદ કરવાના મુખ્ય કારણોમાં કોઈ વ્યક્તિનું મૃત્યુ અને કાયમ માટે જે-તે સ્થળ છોડીને જવાનો સમાવેશ થાય છે.”

ચૂંટણીપંચે આપેલું આઇ-કાર્ડ હોય તો પણ, (અને ઘરે ચૂંટણીપંચની ફોટોવાળી ચિઠ્ઠી ન આવી હોય તો ખાસ), મતદાર યાદીમાં પોતાનું નામ ચેક કરી લેજો. જેથી છેલ્લી ઘડીએ સીન ન થાય.

અમે મતદાર યાદી માં અમારૂ નામ ચેક કર્યુ . શું તમે તમારૂ નામ ચેક કર્યુ ? જો નામ ચેક ના કર્યું હોય તો અત્યારે જ આ લીંક ઉપર જઈ તમારૂ નામ ચેક કરો

http://erms.gujarat.gov.in/ceo-gujarat/master/frmEPDFRoll.aspx

અહીં જઈને તમે તમારા શહેર, તાલુકા, ગામ કે મહોલ્લાની ફોટાવાળી મતદારયાદી પી.ડી.એફ વર્ઝનમાં જોઈ શકશો અને ડાઉનલોડ પણ કરી શકશો. અથવા તો

http://erms.gujarat.gov.in/ceo-gujarat/master/Elector-Search-Dist-AC-Serial.aspx

અહીં જઈને તમે તમારૂ નામ અથવા ચુંટણીકાર્ડ નંબર નાખીને મતદાર યાદીમાં નામ ચેક કરી શકશો.

આટલી આગમચેતી રાખવાથી કોઈ તમારા મતાધિકાર ઉપર તરાપ મારી નહી શકે … અને ચુંટણીના દાડે રાડારાડ કરવાથી બચી જસો.. જનહિત માં જારી

Read More

ખોટા બેંક અકાઉન્ટમાં પૈસા ટ્રાન્સફર થઈ જાય તો શું કરવું? જાણો વિગતે..

ઘણીવાર બેંક એકાઉન્ટમાં પૈસા ટ્રાન્સફર કરતી વખતે ભૂલથી બેંક અકાઉન્ટ નંબર ખોટો નાખવાથી પૈસા ખોટા અકાઉન્ટમાં ટ્રાન્સફર થઈ જાય છે. ઈન્ટરનેટ બેંકિંગના વધતા ચલણના કારણે આ પ્રકારની સમસ્યાઓ વધી રહી છે. ઘણા લોકોને એ વાતની જાણકારી જ નથી હોતી કે ખોટા ખાતામાં પૈસા ટ્રાન્સફર થઈ જાય તો શું કરવું જોઇએ અને આ પૈસા કેવી રીતે પાછા મેળવી શકાય? તો ચાલો આજે જાણી લઇએ કે આપણી સાથે આવું થયું તો પૈસાનું નુકસાન થતું રોકવા શું કરવું જોઇએ.

ખોટા અકાઉન્ટમાં પૈસા ટ્રાન્સફર થવાથી બેંકને જાણ કરો 

કોઈ બીજાના ખાતામાં અથવા વધુ પૈસા ટ્રાન્સફર થઈ જાય તો વહેલી તકે તમારી બેંકને જાણ કરો. જો તમારું અને સામેવાળી વ્યક્તિનું ખાતું એક જ બેંકમાં હશે તો ઝડપથી સમસ્યાનું સમાધાન થઈ જશે. એક અથવા બે દિવસમાં તમારા પૈસા પાછા આવી જશે.

રિઝર્વ બેંકની માર્ગદર્શિકા એ છે કે જો પૈસા બીજા ખાતામાં ભૂલથી જમા થઈ જાય તો બેંકે શક્ય એટલી વહેલી તકે પગલાં લેવા પડશે. બેંકે ખોટા ખાતામાં ટ્રાન્સફર થયેલા પૈસા સાચા ખાતામાં પરત કરવાની વ્યવસ્થા કરી આપવી પડશે.

ખોટા બેંક અકાઉન્ટમાં પૈસા ટ્રાન્સફર થઈ જાય તો તરત પગલા લો આ પગલા, સામેવાળી વ્યક્તિ પૈસા પરત ન કરે તો કેસ કરી શકાય.

ટ્રાન્ઝેક્શનના પ્રુફ માટે તમે ટ્રાન્ઝેક્શનનો સ્ક્રીનશોટ પણ રજૂ કરી શકો છો. ત્યારબાદ બેંક તમારી પ્રોસેસ શરૂ કરશે, જેમાં 2થી 3 દિવસનો સમય લાગે છે.

અમાઉન્ટ ટ્રાન્સફર થયેલા ખાતાની બેંકની બ્રાન્ચમાં જવું પડશે

જો સેન્ડર અને રિસીવરનું અકાન્ટ એક જ બેંકમાં છે તો આ પ્રોસેસ ઝડપથી પૂરી થઈ જાય છે. પરંતુ રિસીવરનું અકાઉન્ટ બીજી બેંકમાં હોય તો સમય લાગે છે.

બીજી બેંક હોવાના કિસ્સામાં જે બેંક ખાતામાં તમે ભૂલથી પૈસા ટ્રાન્સફર કરી દીધા છે એ બેંકની બ્રાંચમાં જઇને તમારે ફરિયાદ નોંધાવવી પડશે. બેંક પોતાના ગ્રાહકની પરવાનગી વિના કોઈને પણ પૈસા ટ્રાન્સફર કરી શકતું નથી.

આ ઉપરાંત, બેંકો પોતાના ગ્રાહકો વિશે માહિતી પણ પૂરી પાડતી નથી. તેથી તમારે એ બેંકને બધી પરિસ્થિતિ સમજાવવી પડશે. ત્યારબાદ તે બેંક એ ખાતાના માલિકને જાણ કરશે અને પૈસા પાછા તમારા ખાતામાં ટ્રાન્સફર કરવાનું કહેશે.

જો સામેવાળી વ્યક્તિ પૈસા પરત કરવાની ના પાડી દે તો?

ભૂલથી કોઈ બીજા અકાઉન્ટમાં પૈસા ટ્રાન્સફર થઈ ગયા હોય એવા કિસ્સામાં સામેવાળી વ્યક્તિ પૈસા પરત કરવા માટે માની જાય તો ઠીક છે. નહીં તો, જો તે પૈસા પરત કરવાની ના પાડી દે તો તમે તેની સામે કેસ દાખલ કરી શકો છો.

Read More

હવે માત્ર 7 દિવસમાં મેળવી શકો છો પાસપોર્ટ, આ રીતે કરો ઓનલાઈન અરજી

પાસપોર્ટ બનાવવાની પ્રોસેસ ખૂબ જ સરળ બની ગઈ છે. તમે 4 ડોક્યૂમેન્ટ આપીને માત્ર 7 દિવસમાં પાસપોર્ટ મેળવી શકો છો. આ પ્રોસેસમાં પોલીસ વેરિફિકેશન પાસપોર્ટ જારી કર્યા બાદ કરવામાં આવે છે. તેનાથી પાસપોર્ટ પહેલા પોલીસ વેરિફિકેશનમાં લાગતો સમય બચી જાય છે.

આ ડોક્યૂમેન્ટ્સ હોવા જોઈએ

1 સપ્તાહમાં પાસપોર્ટ જોઈએ તો આ 4 ડોક્યૂમેન્ટ્સ હોવા જરૂરી છે,

7 દિવસમાં પાસપોર્ટ જોઇએ તો તમારી પાસે આધાર કાર્ડ, વોટર આઇડી, પાન કાર્ડ અને ક્રિમિનલ રેકોર્ડ ન હોવાનું એફિડેવિડ હોવું જોઇએ. આ ડોક્યૂમેન્ટ હશે તો તમે સપ્તાહની અંદર પાસપોર્ટ મેળવી શકો છો. તેના માટે તમારે તત્કાલનો ઓપ્શન પસંદ કરવો પડશે. નોર્મલ પ્રક્રિયાથી પાસપોર્ટ બનાવામાં 1500 રૂપિયા થાય છે પરંતુ આમાં તમારે 2000 એકસ્ટ્રા આપવા પડશે. તમારે કુલ 3500 રૂપિયા ફી આપવી પડશે. જેથી આજે અમે તમને જણાવી રહ્યા છીએ તેની સંપૂર્ણ પ્રોસેસ.

-સૌથી પહેલાં Passport Seva Kendra ની વેબસાઇટ www.passportindia.gov.in પર જાઓ.

-જો તમે નવા યુઝર છો તો પહેલાં તમારું એકાઉન્ટ ક્રિએટ કરો. એમાં તમારે જરૂરી જાણકારી નાખવી પડશે.

-હવે ઉપર જણાવેલાં ચારેય ડોક્યૂમેન્ટની કોપી અપલોડ કરો. પછી તમને ઓનલાઇન પેમેન્ટનો ઓપ્શન મળશે.

-પેમેન્ટ થયા બાદ તમે તમારા નજીકના પાસપોર્ટ સેવા કેન્દ્ર પર અપોઈન્ટમેન્ટ લઇ શકો છો.

-અપોઈન્ટમેન્ટ રિસિપ્ટની પ્રિન્ટઆઉટ કાઢી દો. એ તમારે પાસપોર્ટ સેવા કેન્દ્ર પર તમારી સાથે લઇ જવી પડશે.

-અહીંયા તમારા ડોક્યૂમેન્ટ્સનું વેરિફિકેશન કરવામાં આવશે. ત્યારબાદ સપ્તાહમાં તમને પાસપોર્ટ મળી જશે.

સુધારો કેવી રીતે કરવોઃ

જે લોકોએ પાસપોર્ટ બનાવી લીધો છે, પરંતુ કોઇ કારણોસર નામ, પિતાજીનું નામ અને બર્થ-ડેમાં કોઇ ભૂલ હોય તેવા લોકોએ સરકાર માન્ય સંસ્થાઓ તરફથી આપવામાં આવતા સર્ટિફિકેટની ફોટોકોપની સાથે એક સોગંદનામું આપવાનું રહેશે. સોગંદનામામાં ખોટો ડેટા, સાચો ડેટા અને થયેલી ભૂલ પાછળના કારણનો પણ ઉલ્લેખ કરવાનો રહેશે. ડોક્યુમેન્ટને વેરિફાય કર્યા પછી પાસપોર્ટ ઓફિસ તેને પોલીસને મોકલશે અને પોલીસના રિપોર્ટના આધારે જ સુધારો કરવામાં આવશે.

Read More

મોદી સરકારની ખાસ યોજના, 1 રૂપિયો ખર્ચ કરવા પર મળશે 2 લાખ રૂપિયાનો વીમો

સામાન્ય માણસના સ્વાસ્થ્યને ધ્યાનમાં રાખીને, મોદી સરકારે વીમાની શરૂઆત કરી છે. સામાન્યપણે લોકો વીમા લેવાથી ડરતા હોય છે કારણ કે, તે એક મોંઘી ડીલ હોય છે, જેના માટે ગરીબ લોકો નાણાં એકત્ર કરી શકતા નથી. જે બાબતને ધ્યાનમાં રાખીને વડા પ્રધાન સુરક્ષા વીમા યોજના શરૂ કરવામાં આવી હતી. જે ફક્ત એક રૂપિયા એક મહિને આપીને 2 લાખના મૃત્યુ વીમો આપે છે. આ યોજનાનો લાભ લેવા માટે દર મહિને ફક્ત એક રૂપિયાનો ખર્ચ કરવો પડે છે. એટલે કે, વર્ષમાં ફક્ત 12 રૂપિયા ખર્ચ કરીને, તમે રૂ. 2 લાખનો વીમો મેળવી શકો છો.

PMSBY આવી રીતે લઇ શકાય છે

પ્રધાનમંત્રી સુરક્ષા વીમા યોજના (પી.એમ.એસ.બી.વાય.) નું ફોર્મ તમે ઓનલાઇન ભરી શકો છો અથવા બેંકની મુલાકાત લઈ શકો છો. તમે આ વીમાને કોઈપણ બેંક દ્વારા લઈ શકો છો. જાહેર ક્ષેત્રમાં, ખાનગી બેંકોએ તેમની વેબસાઇટ્સથી સંબંધિત સંપૂર્ણ માહિતી પણ આપી છે. આ યોજનાનો લાભ લેવા માટે અરજદાર પાસે એક બેંક એકાઉન્ટ હોવું આવશ્યક છે. આમ સીધા બેંક ખાતામાંથી પૈસા ઉપાડવામાં આવે છે. આ સાથે, આ યોજના સાથે જોડાયેલા ફોર્મ www.jansuraksha.gov.in પરથી ડાઉનલોડ કરી શકાય છે અને બેંકમાં જમા કરી શકાય છે.

18 થી 70 વર્ષ સુધી લઇ શકો છો વીમો

પ્રધાનમંત્રી સુરક્ષા વીમા યોજના મેળવવા માટે, અરજદાર પાસે બેંક ખાતું હોવું જરૂરી છે. ઉપરાંત, તેની ઉંમર 18 વર્ષની હોવી જોઈએ. તે જ સમયે, આ મહત્તમ વીમો 70 વર્ષ સુધી આપી શકાય છે. તે છે કે, જો તમે 18 વર્ષથી આ વીમા લો છો, તો તમારે 70 વર્ષ સુધી પહોંચવા સુધી માત્ર 624 રૂપિયા આપવા પડશે. તમને 2 લાખ રૂપિયાનો લાભ મળશે.

બેંકે પોતે જઈને આપ્યા હતા પૈસા

ગયા વર્ષે એટલે કે 2018માં, હિમાચલ પ્રદેશના સિરમૌર જિલ્લામાં એક વ્યક્તિની મૃત્યુ પછી, તેમના પરિવારને રૂ. 2 લાખ ચૂકવ્યા હતા. પ્રધાનમંત્રી સુરક્ષા વીમા યોજના અંતર્ગત વ્યક્તિને રૂ .12 જમા કરીને વીમો કરાવ્યો હતો. જ્યારે બેંકને વીમેદારની મૃત્યુની જાણ થઇ ત્યારે તેના પરિવારના સભ્યોને જાણ કરવામાં આવી હતી અને ચેક દ્વારા 2 લાખ રૂપિયા ચૂકવ્યા હતા.

Read More

બિન સચિવાલયની પરીક્ષાને લઇને રાજ્ય સરકારનો મોટો નિર્ણય, પ્રદીપસિંહે કરી જાહેરાત

ગુજરાત ગૌણ સેવા પસંદગી મંડળ દ્વારા 17 નવેમ્બરે લેવાયેલી બિન સચિવાલય ક્લાર્કની ભરતી પરીક્ષામાં ગેરરીતિઓ થઇ હોવાનો SITએ સ્વીકાર કર્યો છે. પરીક્ષાર્થીઓએ સરકારને ગેરરીતિના જે પુરાવા આપ્યા હતા તે બધાં જ પ્રમાણિત હોવાનું SITની તપાસમાં ખૂલ્યું છે. આ મામલે આજે ગૃહ રાજ્યમંત્રીએ પત્રકાર પરિષદમાં જણાવ્યું કે, વિદ્યાર્થી આગેવાનોએ પુરાવારૂપે 10 જેટલા મોબાઈલ, સીસીટીવી આપ્યા હતા, જેની લેબોરેટરી દ્વારા ચકાસણી કરવામાં આવી છે. સીસીટીવીમાં પરીક્ષાર્થીઓ એકબીજાને પૂછીને જવાબો લખતા જોવા મળ્યા હતા. FSL રિપોર્ટ આવ્યા બાદ એસઆઈટીએ મુખ્યમંત્રીને રિપોર્ટ સોંપ્યો હતો. ત્યાર બાદ આ પરીક્ષા રદ કરવાનો નિર્ણય કરવામાં આવ્યો છે.

દોષિતો સામે ફરિયાદ નોંધાશે, પરીક્ષા આપવા પર ત્રણ વર્ષનો પ્રતિબંધ

આ મામલે કુલ 4 ફરિયાદ નોંધાઈ છે. દોષિતો સામે ફરિયાદ નોંધવામાં આવશે અને આરોપી ઉમેદવારો પર સરકારી પરીક્ષા આપવા પર ત્રણ વર્ષનો પ્રતિબંધ લગાવવામાં આવશે.

CCTV અને વોટ્સએપ દ્વારા પેપર ફૂટ્યું હોવાની વાત સાચી સાબિત થઈ
આ દરમિયાન એસઆઇટીના સૂત્રોના જણાવ્યા અનુસાર તેમણે ઉમેદવારોએ આપેલી તમામ સીસીટીવી ફૂટેજ ક્લિપ ચકાસી હતી અને તેની ખરાઇ માટે એફએસએલને પણ મોકલી હતી. આ તપાસ દરમિયાન વિડીયો ફૂટેજની ક્લિપ સાચી હોવાનું માલૂમ થયું છે. તે સિવાય વિદ્યાર્થીઓએ સરકારને અમુક પરીક્ષા કેન્દ્રો પરથી કેટલાંક ઉમેદવારોએ વોટ્સએપ મારફતે પ્રશ્નપત્રનો ફોટો પાડીને અન્ય વ્યક્તિને મોકલ્યું હતું અને તે થોડી જ મિનિટોમાં વાઇરલ થઇ ગયું હતું. એસઆઇટીએ આ બાબતની ખરાઇ કરતા તે પણ સાચી હોવાનું ફલિત થયું છે.

આ અગાઉ લાયકાતના મુદ્દે પરીક્ષા મોકૂફ રખાઇ હતી
આ અગાઉ આ પરીક્ષા માટે ઉમેદવારની લાયકાત ધોરણ-12ને બદલે સ્નાતકની કરવા સરકારે પરીક્ષા મોકૂફ કરી નવી તારીખો જાહેર કરી હતી. પરંતુ તેમાં પણ પરિક્ષાર્થીઓએ સરકારના નિર્ણયનો વિરોધ કરતાં સરકારે તે જાહેરાત પણ રદ્દ કરી ભરતી માટે ધોરણ-12 પાસની લાયકાત યથાવત રાખી હતી.

શું છે મામલો
બિનસચિવાલય ક્લાર્કની ગુજરાત ગૌણ સેવા પસંદગી બોર્ડ દ્વારા 17 નવેમ્બરે યોજાયેલી ભરતી પરીક્ષામાં ગુજરાતના ત્રણ હજારથી વધુ કેન્દ્રો પર સાત લાખ જેટલાં ઉમેદવારોએ પરીક્ષા આપી હતી. ત્રીજી ડિસેમ્બરે આ પરીક્ષામાં ચોરી થઇ હોવાના પુરાવા સામે આવતાં ઉમેદવારોમાં રોષ ફાટી નીકળ્યો હતો અને પરીક્ષા રદ્દ કરવાની માગ થઇ. તેની સામે ચોથી ડિસેમ્બરે સરકારે તપાસ માટે એસઆઇટીની રચના કરી તપાસ સોંપી હતી.

Read More